Transcription
1
Monseigneur, je vous ay adverty par ma dernière depesche que nonobstant le propos
2
de conference qui nous ont tiré en longueur jusques à present, on avoit surprins le château
3
de Montferrand, ce quavoit meu monseigneur le marechal à envoyer son trompette vers
4
monsieur de St Romain dont il receu hier une responce fort honeste par laquelle il
5
affirme n’en avoir rien sceu, ny de lescalade de Baignolz, ny de lentreprinse de
6
Bais sur Bais et a escrit au cappitaine St Flour qui avoit surprins ledit Montferrand de
7
fort boneure pour le faire rendre et a envoyé la coppie de sa lettre à monseigneur le marechal.
8
Nous verrons dans deux jours sy ce sera verité ou mensonge. Bien ay je opinion
9
Qque ledit sieur de St Romain nen a esté consentant, mais je ne scay sil sera obéy.
10
Cependant, ledit sieur de St Romain escrit de rechef à monsieur de Lhospital pour le faire
11
venir à la conference et le sieur de Lartusière sen va par le commandement de mondit
12
seigneur le marechal le querir avec le sieur d’Yolet silz veulent venir. On faict la
13
guerre en Velay et sont ceulx de la religion fort après pour prandre Castres
14
où ilz ont jà attenté deux fois depuis ung mois. Je diray oultre que les lieux
15
exemptz de guerre par tout ce païs, ne sont exemptz de deffiance et tous les
16
chemins sont pleins de perils. Vous aurés veu le sieur de Montataire, lequel
17
est party depuis trois jours pour faire entendre au roy comme toutes choses passent
18
par deçà. Son partement fut ung petit plus souldain que je ne pensoys, de
19
sorte quil ne vous porta aucune lettre de moy. Le present porteur est le
20
sieur des Ursières, gouverneur de Montpellier, le frère duquel monsieur de Castelno,
21
a espousé une seur de monsieur de Sauve. Sur quoy, je prieray le Createur
22
vous donner,
23
monseigneur, en parfaicte santé, longue et heureuse vie. De Montpellier
24
ce VIIIe jour de fevrier 1574.
25
Vostre à jamais plus fidelle et plus affectionné
26
serviteur Truchon